ዘተ ሰላም ብልጽግናን ሕወሓት ኣብ ናይሮቢ

ብሞንገንኘት ሕብረት ኣብፍሪቃን ሃገረ ከንያን ኣብ መንጎ ብልጽግናን ሕወሓትን ዘተ ንምክያድ ወከልቲ ክልቲኦም ወገና ኣብ ቀረባ ግዜ ናብ ናይሮቢ ከንያ ክኸዱ ከምዝኽእሉ ውሽጣዊ ምንጭታት ገሊጾም።

ኣብ መንጎ ክልቲኦም ወገናት ብዝተወለዐ ኲናት ብኣማኢት ኣስሓት ዝግመቱ ዜጋታት እታ ሃገር ከምዝሃለቑ ይፍለጥ። ኣብ 2022 ብስምምዕ ፕሪቶርያ ዝፍለጥ ስምምዕ ሰላም ስ ድሕሪ ልዕሊ ስለስተ ዓመትን መንፈቕን ዝኾነ ዝጭበጥ ውጻኢት ክህብ ኣይከኣለን ጥራሕ ዘይኮነ ቅድሚ ውሑዳት ኣዋርሕ ብወግዒ ከምዝፈረሰ ብወገን ሕወሓት ተገሊጹ። ስምምዕ ፕሪቶርያ ዋላ እኳ ነቲ ደማዊ ኲናት ደው እንተኣበለ ክልቲኦም ወገናት በቲ ስምምዕ ከምዘይተገዘኡን ብኣንጻሩ፣ ነኒሓድሕዶም ክካሰሱ ከምዝጸነሑ ይፍለጥ።

 ሕወሓት ፣ ስርዓት ብልጽግና ንካልእ ኲናት ንኽዳሎ ግዜ ክሽምት እምበር ስምምዕ ፕሪቶርያ ናይ ምፍጻም ድሌት የብሉን እኮ ደኣ ደጊሙ ንሕወሓትን ትግራይ ከምበርክኽ ይሰርሕ ከምዘሎ ይኸሱ። ኣፈኛታት ብልጽግና ብወገኖም ሕወሓት ን27 ዓመታት ንህዝቢ ኢትዮጵያን ብዓመጽ ገዚኡ ከይኣኽሎ ንኢትዮጵያ ንምፍራስ ምስ ናይ ደገ ሓይልታት ኮይኑ ይሰርሕ ኣሎ። ምስ መንግስቲ ኤርትራን ሰራዊት ሱዳንን ኮይኑ ኣንጻር ህዝብን ሃገርን ኢትዮጵያ ሰይጣናዊ ስራሕ ኣብ ምስልሳል ከምዝርከብ እዮም ዝገልጹ። ነዚ ስዒቡ ኣብ 01 ነሓሰ ዝጀመረ ሓዲሽ ጎንጺ ኣብ መንጎ ክልቲኦም ወግናት ክቕጽል ቀንዩ ።

ነዚ ናብ ዞባዊ ኲናት ናይ ምምዕባል ተኽእሎታት ዝሓዘ ሓዲሽ ኲናት ደውን ናይ ምባልን ንክልቲኦም ወገናት ናብ ናይ ዘተ ጣውላ ንምቕራብን ብዙሓት ዞባውያን ሓይልታት ዝተፈላለየ ጻዕርታት ክገብሩ ከምዝጸነሑ ይፍለጥ። በዚ መሰረት ድማ ብልጽግናን ሕወሓትን ዳግም ናብ ናይ ዘተ ጣውላ ኮፍ ንምባልን ንፍልልያቶም ካልእ መፍትሒ ንምንዳይን ናብ ናይሮቢ ክኸዱ ዓቢ ትጽቢት ይግበር።

Newsroom