ሰራዊት ኤርትራ ብሽነኽ ዓዲ ግራት ናብ ትግራይ ከም ዝኣተወ ተገሊጹ

ካብ 02 ነሓሰ 2026 ጀሚሩ ኣብ መንጎ ፈደራላዊ መንግስቲ ኢትዮጵያን ሓይልታት ትግራይን ብረታዊ ጎንጺ ከምዝጀመረ ዝፍለጥ እዩ። እዚ ምስ ኤርትራ ኣብ ዘዳውብ ምዕራባዊ ሽነኽ ክልል ትግራይ ዝጀመረ ኲናት ውልዕ ጥፍእ እንዳበለ ይቕጽል ከምዘሎ እውን ኩሎም ዜጋታት ዞባ ቀርኒ ኣፍሪቃ ብሻቕሎት ዝከታተልዎ ዘለዉ ጉዳይ እዩ። ካብቲ ዞባ ዝመጽእ ዘሎ ሓበሬታታ ከምዘረጋግጾ ሰራዊት ኤርትራ ብወገን ዓዲ ግራት ናብ ትግራይ ክልተ ክ.ሰራዊት ከምዘእተዉ ተገሊጹ። ክሳብ ሕጂ ኣብቲ ኲናት ብቕጥታ ምስታፎምን ዘይምስታፎምን ግን ዝተረጋገጸ የለን። ብወገን ደንካያ ውን ብዝሒ ዘለዎ ሰራዊት ብከባቢ ባዳ ይጽጋዕ ከምዘሎ ናይ ዓይኒ መሰኻኽር ሓቢሮም። እዚ ብሰራዊት ፈደራልን ሕውሓት ዝመርሖም ሓይልታት ትግራይን ዝጀመረ ውግእ ናብ ዞባዊ ኲናት ክምዕብል ዘሎ ተኽእሎ እንዳዓበየ ይኸይድ ከምዘሎ ውን ስጋኣት ብዙሓት ሰባት እዩ።