ቅልውላው መጎዓዝያታት ኣብ ከተማታት ኤርትራ

ብስእነት ነዳዲ እንዳተመኻነየ ዝቕጽል ዘሎ ቅልውላው መጎዓዝያ ኣብ ከተማታት ኤርትራ ካብ ዝኸፈአ ናብ ዝገደደ ይኸይድ ከምዘሎ ካብ ኤርትራ ዝወጹ ዘለዉ ዜጋታት ገሊጾም።

ሎሚ ካብ ናብ ከተማታት ዝጉዓዛ ዝነብራ ኣውቶቡሳት ብስእነት ነዳዲ ተዓሽገን ኣደዳ ጸሓይን ንፋስን ይኾና ከምዘለዋ ተፈሊጡ።

ህዝቢ ናይ ምዓልታዊ ንጥፈታት ከካይድ ዝሕግዙ ዝኾነ ይኹን ናይ መጎዓዝያ መሳለጥያታት ተሓሪምዎ ብኣድገ በቕሊ ዝጉተታ ዓረብያታ ካሮሰ ክጥቀም ይግደድ ኣሎ።

ልዕሊ ሓደ ምሊዮን ህዝቢ ከምዝቀመጠላ ዝንገረላ ከተማ ኣስመራ ከይተረፈት ብስእነት ነዳዲ ጥር ትብል መኪና ዘይረኣየላ ከተማ ኮይና ትርከብ።